皇宮秘史: 4月 2007

Worry

今日探完你，知你又睇完醫生，雖然燒退左D，不過個人仲辛苦左咁！希望我買比你既退熱貼可以令你舒服D啦，聽日又精神奕奕架啦！仲有我係身邊一齊照顧你，會快D好番架啦！

祝快D好番

今日係矛想過同BB去街既情況下，一齊去左睇《十分愛》，因為比比尋晚唔舒服，連BBQ都矛去，我估BB會係屋企抖抖，出到黎，見BB好似矛咩樹，所以都放左心同BB去食野，之後去左langham買飛，不過人太多矛位，之後諗到奧海城出卡啦D，應該會有飛，所以立即打的去睇睇，果然BB矛估錯，4點5去到，剛好睇到4點半果場。心諗冷氣都幾大，BB又岩岩病番好少少，立即借左被肩唔好凍親BB，點知愈睇愈覺得唔對路，見BB原本只係蓋住隻腳到包住全身，我都知BB應該覺得凍，所以攬住BB，唔攬由之可，一攬發覺BB係咁震......本來戲都想唔睇即刻走，不過BB話矛樹，我其實之後個心一直擔心住BB多過睇戲，散場之後，見BB矛晒表情，手手腳腳都仲凍，即時拿拿臨行出商場，因為裡面冷氣好勁，出到去見到BB口唇都白晒，摸摸個額頭，嘩！熱到不得了！都係立即call的士番大埔睇醫生，沿路我用手暖住BB短裙下對腳仔，因為BB覺得好凍，終於番到去睇醫生！差不多燒到103度！睇完醫生買左面包，番到屋企食完藥，BB上床休息一下，我就係咁望住BB訓左一陣，望住BB既時間，好有衝動想攬住BB，好想你知道我願意保護你一世，係你需要我的時候，我一定係你身邊！
BB好番之後，我真係要諗下點樣補補BB既身體先得！

................

=(

保重身體

今天BB病了，感冒菌入腸！收工後第一時間飛入大埔探佢，雖然入到去已經九點幾，因為仲要去陳漢記買野食比BB，點解去陳漢記咁遠？BB已經病，咁緊係要食d好食既野啦！咁樣會有胃口d囉，食飽飽先會好d抵抗力！似乎BB呢排身子比較弱，唔通財多左？
好啦，等我睇下邊度燕窩好，買d比BB補下身先！=)

寧願晏d訓...我願意

燙衫　半夜三更~~
然後　磨滑廁板~~Yeah
合上妳對眼　讓我自己撐
平時就懶
今晚的起心肝為你　加班
寧願晏d訓　到我服侍人
寧願晏d訓　個家我有份
寧願晏d訓　親親家裡每滴塵
來盡我半滴　責任　Wow
兩點　換個燈膽~~
四點　查閱帳單~~Yeah
就算妳冇讚　讓我自己嘆
為時未晚
聽朝早餐都想為妳　煎蛋
寧願晏d訓　要似個大人
寧願晏d訓　個家我有份
寧願晏d訓　充當一晚辦事人
來盡我半滴　責任　Wow~~
寧願晏d訓　整返好張凳
寧願晏d訓　換過盒炭粉
寧願晏d訓　親親家裡每滴塵
來盡我半滴　責任
寧願晏d訓　抹下個豎琴
寧願晏d訓　換雪櫃野飲
寧願晏d訓　親親家裡每滴塵
來盡我半滴　責任

南Y鳥之旅之全家福篇

呵呵，小有我認為自己映得好滿意既相，好滿意既原因當然係：1)有美女比比 2)有美女比比 3)有美女比比........100)有美男.....momo！XPPPPPPPP 原來BB隻眼大過我好多架，唔信？你睇下d相，我隻眼得番一條線，BB隻眼幾精靈呀！連momo隻眼都大過我呀陰公，好彩我個頭夠大先保住我mametch既地位咋！呵呵！仲有呀，momo個樣好似話你知：喂！你地映快d啦！低能！呵呵，大佬，4張有3張momo望鏡頭真係唔易架！有人映黎映去momo都係檸晒頭架！:DDDDDDD